在香港，一般家庭選購冷氣機最常見的是窗口式冷氣機，好處係安裝簡單及費用較平，另外機價亦較相宜！但因為窗口式冷氣機是連同製冷壓縮器一齊裝在窗台，所以難免會有輕微機械聲！
若唔想咁嘈，可以選擇較靜嘅分體式冷氣機，此種冷氣機分為兩部分：室內機負責送風，室外機則處理製冷。但由於要安裝在室外，安裝或維修往往需搭棚，成本分分鐘同部冷氣機價錢差唔多！為咗滿足香港人需要，有冷氣供應商推出「窗口式分體冷氣機」，室外機體型細小，可直接安裝在放置窗口式冷氣嘅窗台上，安裝容易，師傅喺室內就可完成，毋須搭棚！
例如珍寶全直流變頻窗分系列*，其最大特色是室外機尺寸小巧，無需搭棚，匹數方面更有齊1匹、1.5匹及2匹型號，必定滿足家居不同環境需要。
另外日立 纖巧 420 變頻冷暖分體機*，纖巧嘅室外機僅高420mm，Fit 晒冷氣機窗台，唔使搭棚，安裝容易，搭棚費都慳返！
*建議於購買及安裝前，由合資格工程人員預先確認安裝的所需空間及位置。
再醒你想開冷氣涼浸浸又慳電，跟消委會學幾招冷氣慳電小貼士：
1）勿安裝冷氣機喺陽光直接照射地方。
2）開冷氣時拉埋窗簾降低溫度，關門窗以免走冷氣。
3）用電風扇吹勻冷氣，節省電力。
4）預設關機時間，例如睡到半夜時關機。
5）每兩周清洗隔塵網、進氣口及出風口。
最後提提你，買冷氣機時記得睇清楚標價包唔包安裝費，部分型號可能會額外收安裝費，選購前記得問清楚！
